Kaside Sözleri
Aman yâ Fahr-i âlem senki mihrâb-ı nübüvvetsin
Vücûdunla vücûhunla serirârây-i rahmetsin
Sefîal müznibînsin nûr-i rahmet mahz-i şefkatsin.
Meâl-i sırr-ı levlâk mahrem-i esrâr-ı vuslatsın
Sen ey mahbûb-i akdes ism-i vasfınla Muhammed’sin.
Meded ya bâis-i hilkat eyâ rûyi kelâmullâh
Nebiler serveri hem hâtemi bünyâd-ı beytüllâh
Sana ümmet olan kuldan geçer mi Hazret-i Allâh.
Meâl-i sırr-ı levlâk mahrem-i esrâr-ı vuslatsın
Sen ey mahbûb-i akdes ism-i vasfınla Muhammed’sin.
Habıbim kıbley-i dînim efendim rahm ü dâd eyle
Mürüvvet bekleyen bî çâregânı ber-murâd eyle
Garîb ü kemterindir VECDİY’i afvınla şâd eyle.
Meâl-i sırr-ı levlâk mahrem-i esrâr-ı vuslatsın
Sen ey mahbûb-i akdes ism-i vasfınla Muhammed’sin.
