Bîzî fazlîyle însân eylemîşdîr
Gör e lutfunu ol Rabb ü Kerîm’în
Yîne hem ehl-î îmân eylemîşdîr
Gör e îhsânın ol Hayy ü Kadîm’în
Kalem olsa nebâtât île eşcâr
Mürekkeb olsa deryâlarla enhâr
Yazılmaz nî’met-î sultân-ı Gaffâr
Gör e lutfunu ol Rabb ü Kerîm’în
Ânın hükmündedîr dünyâ vü ukbâ
Yed-î kudretdedîr ednâ vü a’lâ
Uyan gafletden ol bîr merd-î dânâ
Gör e lutfunu ol Rabb ü Kerîm’în
Bîzî fazlîyle îrgürdü hayâta
Delâlet etdî ef’âl ü sıfâta
Hîdâyet eyledî envâr-ı zâta
Gör e lutfunu ol Rabb ü Kadîm’în
Olıcak bîr kîşîde îlm ü îrfân
Komaz ol sâhîbîn kîm ede îsyân
Yürü var Halîk’a şükr eyle her ân
Gör e lutfunu ol Rabb ü Kerîm’în
Getîrdî bîzî fazlîyle vücûda
Dahî hem mazhar etdî lutf u cûda
Umarız îrevüz nûr-ı şühûda
Gör e lutfunu ol Rabb ü Kerîm’în
Buyurur în teuddû nî’meta’llâh
Ola gör îmdî bu ma’nâdan âgâh
Hüdâyî nî’mete şükr eyle her gâh
Gör e îhsânın ol Hayy ü Kadîm’în
