Aziz Mahmud Hüdayi Divan-ı İlahiyat 81

featured
Paylaş

Bu Yazıyı Paylaş

veya linki kopyala

Cemi’-i tâlibin matlûbu Allâh
Bizi sen matlab-ı a’lâya irgür
Kamu âşıkların mahbûbu Allâh
Bizi sen maksad-ı aksâya irgür

Habîbin gör gönül şân-ı bülendin
Ki artırmaz garîb-i müst-mendin
Salıp meydâna şol himmet semendin
Niyâzın Hazret-i Mevlâ’ya irgür

Nukûşa bakma nakkâşa nazar et
Mehâlikden sanemlerden hazer et
Ko esmâyı müsemmâya (güzer) et
Şuhûdun zirve-i ulyâya irgür

Bulan bir dürr-i pâk-i bî-nazîri
Ganîden fark eder lâ-büd fakîri
Efendi eyleme sûret esîri
Geçir sûretden ü ma’nâya irgür

Hüdâyî’yi erişdir feth-i bâba
Varalım Hazret-i ni’me’l-meâba
Geçir zerrâtı irgür âftâba
Efendi katreden deryâya irgür

E-posta hesabınız yayımlanmayacak. Gerekli alanlar * ile işaretlenmişlerdir