Me d’zanibû j’işqa dila
Ku yek dibûn şeyx û mela
Niho li hev dibin bela
Wek beglera şeyx û mela
Heryek divetin xwe tine
Havale wî wek titine
Tehl û zirav be didine
Bejin ewe şeyx û mela
Eger wiha devam bikit
Tirsek mezin we je kevit
Me ra Rebbî Xuda nekit
J‘dîn ra dibit derd û bela
Tiştek we dî j’cih derketî
Bibne guhe hev b’şîretî
Ne b’nikil û ‘edaweti
Çi nik şeyxa çi nik mela
L’dîn da nebit herkes xwebîn
Cem wî we bit kes dî tunîn
Ev ‘eybek e l’dînê mubîn
Ne laiqê şeyx û mela
Derbûmesel meşhûr heye
Xweş ketiye l’cihê xwe ye
Ku ha bikin şeyxö me ye
Rehmetullah l’me cahila
Şeyx û mela ku ha bibin
Cem hev sik û ‘eybdar bibin
Cahil dê bê hefsar bibin
Guneh stuwê şeyx û mela
Hûn in şivanâ ummetê
Ku hûn bi xwe xwehr kin xetê
Cahil dê çêkin hêcetê
J‘pey we bibin tert û bela
Qelba bi hev şîrîn bikin
Bendê bi Şeytân ra bikin
Dîné mubîn keskîn bikin
Ev e heqê şeyx û mela
Tev da bibin j’ev ra mu‘în
Rakin ji nav xwe buxd û kîn
J‘erdê hilînin barê din Geş
bin bi hev ra wek gula
Tev da bibin j’hev ra heval
J’ev ra bikin qelba zelal
Rakin ji nav xwe qîl û qal
Sofî feqe çeyx û mêla
Dîné me yek dîn e temâm
Ezb’xwe bibim jê ra xulam
E ku ji dîn ra bit zelam
Heskî bila bit j’Kerbela
Em hêvî û zarî dikin
Ji sofiya ‘eksê nekin
Wek sofiyê safî bikin
Ew xidmeta çeyx û mêla
Rêza çerî‘ete biçin
Resma terîqetê biçin
Bendê nekin ferqê nekin
Di mabeyna çeyx û mêla
Sofîtî ne b’şaş û rih e
L’hedde xwe da tiştek b’cih e
Ew sofî beşek ebleh e
Ku guh nede şeyx û mela
Sofî divetin hûr û kûr
Şeyx ra nebe eyb û qusûr
Ser ya xwe be nezîk û dûr
Razî bin je şeyx û mela
Lâkin ewe be buxd û kîn
J‘dîn ra emekdar û emîn
Saxbin bi wa derd û birîn
Qisme wiha şeyx û mela
L‘guhe xwe kin ve şîrete
B’cahe hebîbe ümmete
Hun sar nekin terîqete
Resma zelal bûye xela
Her çi terîqa Neqşî ye
Wirde we zikre qelbî ye
Herb û şere we b’dizî ye
Ha gotine şeyx û mela
Qelbe xwe baş safî bikin
Zikre xefî tâ de bikin
Xwej’herkesi winda bikin
Ger we dive ya bebela
Her kî bikit î’laniye
Da xelq bizanin ew kî ye
Beşubhe ew noqsanî ye
Pirse bikin j’şeyx û mela
Govend û reqs û heyhey e
Ger çi l’terîqa da heye
Nik Neqşiya ew sexte ye
Da hûn nebin pe mubtela
Lâkin ku şewq xalib bitin
Ruh xalibe qalib bitin
Behemdî wî cih rakitin
Fetwa didin şeyx û mela
Nebî nebî hûn ey bira
Reqse bikin j’keyfa xwe ra
Bejin heye ev macera
Der mekteba şeyx û mela
Cahil dive teslim bibin
L‘tewbe da musteqim bibin
Herkes j i wî selîm bibin
Feyde bikin j’şeyx û mela
Feqe divetin j’bo xude
Di ‘ilme xwe da cehde bide
Da ew bighete meqsede
Dûr bi ji resma cahila
Her kî melaye ku we be
‘Ilm û ‘emel teqwa hebe
Kibr û hesed cem wî nebe
Pîroz bî le rutba mela
Şeyx laiq e.j’wan zede bî
D‘ilm û emel serdeste bî
L‘dîne me da peşya me bî
Qurban bibim şeyx û mela
Ez qehirim lew ev mi got
Ve tehliye qelbe me sot
Tev da hemî bûne sukot
Ser ve yeke şeyx û mela
Kes nîne sulha wan bikê
Paqij bikê wa j’vê rikê
Ev rebenê ji Findikê
Nakin bi yê şeyx û mêla
Lakin hene j’vî ‘eskerî
Ser sunneta peyxemberî
Evî dînî bibin serî
Şul‘e bidin wek meş‘ela
Minnet ji kes hilnagirin
Daîm j ’Xuda ra hadir in
Safî ji wî ra ew hur in
Gerçi bibit “hewlul-wela”
Ya Reb l’derê te el-eman
Tu me b’gerî j ’hizba evan
Winda nekî d’fitna zeman
Mew dostê mew şeyx û mela
‘Ezmandirêj î tu ‘Elî
J’her tişte tu diştexilî
Heqê te ye j’bê eqilî
Mû l’te bidîtin çend zela
